Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Ngăi do, ngăi 24 kơnhăi pe, Lèh Ña Chi, ngăi sơnrơp tăm Poh GohNiam, Tơrgùm dà Yuôn sơnđăn Gia Đình Hiệp Thông Sinh Viên Tây Nguyên, làh Hiu Bơnhă Tăm-pà Kòn Bơsrăm Kòn Cău dê. Tă bơh lồc tơrgùm mờng ờs bol khi dê, bol khi lòt còp să hiu tơrgùm cău kra. Tăm gen, bol khi hòe dăn Yàng mơ dong-kờl bar pe nơm broă dềt: Rào jơng jùt să cău kra in. Tă bơh gen bol khi tăm yà băl bài geh bơta chờ-brờn cău kra in.
Tơrgùm do neh gơlik bơh sơnăm 2008. Sơnrờp mìng bar pe nă pơnu Cau Jrai gời. Bol khăi tơrgùm bài hòe Yàng, dŏng băl tăm tŭ bơsrăm mơ lơh brôă tăm Ƀòn Dờng do. Tus jiơ do, geh rà ngăn gơ̆p să Kòn Cău he dê tơrgùm băl băl kờp ngăi Kơnràñ tăm hiu pơrjum Mac Ty Nho Sài Gòn. Tă bơh bơsrăm băl đơs crĭs, bol khi yăl lơh Yàng băl băl. Lồc gen, tơrgùm sào sa băl, mơ iăt jơnău bol pugru mơ mè sơ ràc rơcăng.
Tăm tơrgùm do, geh rà ngăn hiu mpồl pơdơng să dong-kờl, ơm iang mơ bol khi kơ̆p ngăi Kơnràñ. Rà mà ngăn sơl cău ndăi kơ̆p kơnờm bài rài kis bol khi in niam hèr hing nău hă. Be gen, làh tềl gơboh Yàng dê gơlik mơ nggùl bol khi.
Bol khi wơl kờñ sơl ngăi tus ngăi geh rà êt tăi Kòn Cău ndăi làm brê tơrgùm bơsrăm băl mơ bol khi. Bài hìng nău hă, tơrgùm do lăh tơrgùm tềl bơta tăm pùt tăm klăc, jềng dùl bê kờt hiu Pơrjum niam làh dùl, mơ bê kờt Yàng Pe Hê làh Dùl gời.
Dăn oh mi răc Yàng bol khi in, bài hìng nău bol khi jăt bơr Pơrjum niam sồr, jềng cău lơh cơng Yàng in tăm rơnàng khi dê.
Sài Gòn 24/3/2024.
Kòn Cau Fyan
