Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Prăm bơta jê-yan
(Tam ngai dơ̆pe, ngai dơ̆prau, mơ ală ngai-yàng kàl poan-jơt)
Dùl: Kơlôi Kơnràñ Jesu kong moăt-jrùng tam sươn Jetsemani. He dăn lă geh ềng màl ngăn tis.
Bàr: Kơlôi Kơnràñ Jesu kong pù-lơh. He dăn lă geh ring nus kơrhia să mơ kong bòl glar.
Pe: Kơlôi Kơnràñ Jesu kong groă mơ gơnòar lò. He dan lă geh ring nus kong jơh ală bơta ƀassìl bil-bơl.
Poan: Kơlôi Kơnràñ Jesu kong tui chikal. He dăn lă geh tui chikal jăt jơng Khai.
Prăm: Kơlôi Kơnràñ Jesu kong chơt dơ chikal. He dăn lă geh tơs bơta hàm-kờñ poăc-să dơ chi kal Khai dê.
Tŭrăc ñòng, lồc răc jơnau Gơklŏ gen răc jơnau Ơ Kơnràñ Jesu:
Ơ Kơnràñ Jesu, dăn hồ tis bol kòn in, dăn tơngklàs bol kòn bài dùh tam anih ồs yan sùm, mơ dăn cèng ală sồp-soàn guh trồ, ngăn lah ală sồp-soàn, kờñ kơnờm dơ nus nđàc sơngit Đi dê rơlau.
Dilah răc ñòng cau chơt in, lồc răc jơnau Gơklŏ geh răc jơnau Ơ Kơnràñ :
Ơ Kơnràñ , dăn ai sồp-soàn…….. in (ală sồp-soàn in) geh rơlô lơngai rài rài, mơ dăn tơmbềng khai (bol khai) mơ bơta àng-gơcrà.
