Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Yălniăm Mk 6, 30-34
Đăl tam Jơnau Yălniăm niămgoh jăt Marko
Kơnràñ Jesu lơh bañ gơs rà dơ̆ dùl
30 Bol dờp-pơyoa pơrjum bal mơ Kơnràñ Jesu, yal wơl Kơnràñ in jơh ală bơta bol khai neh lơh mơ neh bơto. 31 Kơnràñ đơs mơ bol khai: ‘‘Tờm bol kòn pleh tĕ tam anih ngềt-ngơt mơ ơm rơlô dŭt.” Kơyoa geh gal cau lòt-rê mơ bol khai ờ geh tŭ sào-sa. 32 Kơnràñ Jesu mơ bol dờp-pơyoa hào ahò pleh tam tiah ngềt-ngơt.
33 Gal cau gŏ bol khai lòt gen git-wă; mơ bơh jơh ală bòn dờng, cau lòt jơng ntoat tus tềng hơ̆ mơ tus lài mơ bol khai. 34 Lik bơh ahò, Kơnràñ gŏ mpồl làng-bol gal, gen nđàc-sơngit bol khai, bơh bol khai be ală belàt ờ geh cau ê, mơ Kơnràñ sơntờm bơto bol khai rà jơnau.
Hơ̆ jơnau đơ̆s Kơnràñ dê.
