Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Yălniăm Mt 5, 33-37
Đăl tam Jơnau Yălniăm niămgoh jăt Mattheo.
Bañ sơntơm
* 33 Bol kòn neh kơno đơs tai mơ cau yau: ‘‘Bañ sơntơm blăc; mơya bơsir tĕ ală jơnau sơntơm mê dê mơ Yàng.” 34 Ai Añ, Añ đơs mơ bol kòn: Bañ sơntơm chi lơi, bañ ai trồ mơ sơntơm, kơyoa gơ lah sơbàn Yàng dê, * 35 bañ ai ù mơ sơntơm, kơyoa gơ lah kơrnờl jơng Khai dê, bañ ai Jerusalem mơ sơntơm, kơyoa gơ lah bòn dờng Bơtau dờng dê; 36 krung bañ ai bồ kòn mơ sơntơm, kơyoa kòn ờ rơgơi lơh dùl ñhe sŏ gơlik kò ngŏlah jù sơl. 37 Mơya bơr bol kòn pal lah: ‘‘Geh, đơs geh”, ‘‘Ờ, đơs ờ”; rơlau mơ hơ̆ lah bơh cà iơh.
Hơ̆ jơnau đơ̆s Kơnràñ dê.
