Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Yălniăm Mt 1, 16.18-21.24a
Đăl tam Jơnau Yălniăm niămgoh jăt Mattheo
16 Jakop deh Joseph, bao klau Maria dê; bơh Maria, Kơnràñ Jesu, hòi lah Kristo, neh deh-dùh.
18 Kơnràñ Jesu Kristo deh-dùh be do: Maria, mè Khai, neh hơ bao mơ Joseph; lài mơ tŭ bol khai ơm bal, gen gơlik gơs lah Maria neh bun bơh Yàng Nhơm. 19 Joseph, bao klau khai dê, bơh lah cau song-dơpă mơ ờ kờñ yal-yă khai, gen kờñ lời ờm khai. 20 Khai găm kơlôi jơnau hơ̆, gen do huềng-duh Kơnràñ dê neh tơnggŏ măt mơ khai tam mpao mơ đơs: ‘‘Ơ Joseph, kòn Davit dê, bañ ngòt dờp Maria bao mê. Bơh kòn khai neh bun lah bơh Yàng Nhơm; * 21 khai rơp deh kòn klau, mơ mê rơp hòi sơnđăn Khai lah Jesu: bơh tờm Khai rơp tơngklàs làng-bol Khai bơh ală jơnau tìs bol khai dê.”
24 Kah-rơngal, Joseph neh lơh jăt be huềng-duh Kơnràñ dê neh sồr khai.
Hơ̆ jơnau đơ̆s Kơnràñ dê.
