Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Yălniăm Lk 2, 16-21
Đăl tam Jơnau Yălniăm niămgoh jăt Luka
16 Bol khai sơrbăc-sơrbăng lòt tus mơ bàn gŏ Maria, Joseph mơ oh-nga tơmbic tam bòng ñhơt. 17 Gŏ be hơ̆, bol khai yal wơl bơta neh yal bol khai in bơh oh dêt do. 18 Jơh ală cau lơi kơno, gen ai lơh krơi bơh ală bơta bol ê belàt neh yal mơ bol khai. 19 Ai Maria gen prăp jơh ală jơnau hơ̆ mơ kơlôi-sơnơng tam nùs.
20 Bol ê belàt rê wơl, tơngklŏ mơ jờngrơ Yàng bơh jơh ală bơta bol khai neh kơno mơ neh gŏ, jăt be neh yal mơ bol khai.
Kơnràñ Jesu dờp bơta siăt gơltau
21 Tơnơ̆ mơ tŭ neh tơl phàm ngai rau, tŭ pal siăt gơltau oh dêt in, gen cau hòi sơnđăn Khai lah Jesu, lah sơnđăn huềng-duh neh hòi, lài mơ tŭ Khai gơ ơn bun tam kơndul.
Hơ̆ jơnau đơ̆s Kơnràñ dê.
