Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Yălniăm Mt 4, 18-22
Đăl tam Jơnau Yălniăm niămgoh jăt Mattheo.
Kơnràñ Jesu hòi poan nă cau jăt-dờn sơnrờp
18 Tam tŭ lòt rò gah dà-lềng Galilea, Kơnràñ gŏ bàr nă oh mi, lah Simon hòi lah Petro, mơ Andrea lah oh khai, găm dăng bơrtơng tam dà-lềng; bơh bol khai lah cau kup ka. 19 Kơnràñ đơs mơ bol khai: ‘‘Bol mê jăt tĕ Añ, Añ rơp lơh bol mê gơs cau kup ka bơnus.” 20 Bol khai lời mơ bơrtơng, mơ jăt Kơnràñ.
21 Bơh tềng hơ̆ lòt tai, Kơnràñ gŏ bàr nă oh mi ndai, lah Jakobe kòn Zebede dê, mơ Joan lah oh khai, găm srăng bơrtơng tam ahò bal mơ Zebede lah bàp bol khai dê, mơ Kơnràñ hòi bol khai. 22 Tŭ hơ̆ mơ, bol khai lời ahò mơ bàp he, mơ jăt Kơnràñ.
Hơ̆ jơnau đơ̆s Kơnràñ dê.
