Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Răc dăn mơ Joseph niăm-goh, cau lơh-broă
Ơ Yàng, Bơtau crơnggơs ală bơta, Đi neh tơn-ơn jơi kòn-bơnus in jơnau-sồr lơh broă, dăn Đi niăm-lơnhơn ai bol kòn in, kơnờm bơh krơh àng bơta dong-gàr Joseph niăm-goh dê, bol kòn bơsir ală broă Đi sồr, mơ geh dờp ală phan jờng Đi hơ. Bol kòn dăn gơ gen bơh Kristo, Kơnràñ bol kòn. Amen.
