Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Dăn Yàng drơng
Ơ Yàng, dăn drơng bol kòn tam măng do, làng prăp-gàr bol kòn ring-lơngai, sền gàr bol kòn bơh tìs, bơh chơt ris, mơ bơh jơnau rềs-àr. Ơ Mè niăm-goh ngăn Yàng dê, ơ bol Huềng- duh mơ jơh bol niăm-goh, dăn kờl răc bol kòn in, làng bol kòn in geh dùl măng lơngai. Amen.
