Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Răc dăn mơ bol cơng-mhàm niăm-goh Việt Nam
Ơ bol cơng-mhàm niăm-goh Việt Nam, lài-òr neh git ngui bơta hàng-goh Yàng jai pha ală bơta kong-kòl bòl-glar, làng sih-tăm gar-sơntìl jơnau Yalniăm mơ bơt-bơtào Pơrjum-niăm Kơnràñ tam ù-dà do.
Bol đi neh tơt-khin yal-tơlik bơta pindờn, tiăn tus phi să-kis bơh nus gơboh Yàng mơ bơta tơwài ală sồp-soàn, gen di-pal geh dờp bơta bơta bơtoah tam trồ.
Bol kòn dăn dùl nùs bal mơ bol đi, làng ưnngài Yàng mơ Maria, Ùr bơtau bol cơng-mhàm niăm-goh, neh pà bol đi gen bơtoah be hơ̆ .
Bol kòn chờhờp jờngrơ bol đi, lah ală plai bồ-sơnăm dờng-màng Pơrjum-niăm Việt Nam dê.
Dăn bol đi kờl-răc bol kòn in lah kòn-sao, git đòm krơh kis jăt gùng jơnau Yalniăm, lơh bơta nđàc-gơboh, kơ̆-mềr mơ Pơrjum-niăm mơ gơboh bòn-lơgar.
Mơ tŭ bol kòn gơtìp kòl-yăn kal-ke, dăn bol đi dong-kờl mơ pơndờm-pơnđiăng, làng bol kòn tơl pràn dờn-jăt Yàng, tơmut tê tam bơta ndơp-ndơr chikal tơwài Kơnràñ Jesu dê, pơnjăt gùng bol đi neh lòt, làng sơmbăt tus bơta bơtoah rài rài. Amen.
